يا سكني _ بحر الحنان

يا سكني و أم أولادى
باحبك حب مش عادي
باحبك لو قريب منك
و احبك لو بعيد عنك
و شوقي ليكي بينادى
حياتي باعيشها على نورك
همومي رميتها ف بحورك
يا سكني و أم أولادي

*****

فى بعدك وقتي مش بيفوت
حقيقى بجد باحلفك
عايشلك حتي بعد ما اموت
هيفضل حبى عايشلك
يا قمرة ف ليلي بتنور
يا فرحة ف عمري بتدور
على الحلم اللى بينادي

*****

ولادك محتاجين
لعنيكي الطيبين
و إيديكي المليانين
بالحب و بالأمان
أول ما بتلمسيهم
علطول تفرح عنيهم
ضميهم .. واحضنيهم
يا بحر من الحنان
كلامي الحلو بيبوحلك
و روحي تملى بتروحلك
بترتاحلك و دا العادي

كلمات / فريد عبد العزيز
توزيع / بدر ممدوح
الحان و غناء / أحمد الحسيني

للاستماع من هنا :

[ندعوك للتسجيل في المنتدى أو التعريف بنفسك لمعاينة هذا الرابط]

أوبا

ده انت اكتشاف يافريد
كاتب أغاني على أعلى مستوى

ربنا يكرمك يا بو لينا يا عسل
دا بس من ذوقك يا مبدع يا جميل

فريد عبد العزيز كتب:: ربنا يكرمك يا بو لينا يا عسل
دا بس من ذوقك يا مبدع يا جميل

لازم تسجل عندي
جرب الفرق في الكواليتى يامحترم

هههه

دا اكيد طبعا
بالاضافة الى تتشاتك اللي باحبها بجد
المهم هتعاملني كزبون
و اللا الايجار و التسجيل فرييييي
ههههههههههه